Xəbərlər

"Novruz- 2026" düşərgəsi çərçivəsində tanınmış şair, yazıçı və kinodramaturq, İlqar Fəhmi ilə görüş keçirilib

Azərbaycan Həmkarlar İttifaqları Konfederasiyasının (AHİK) üzv təşkilatı olan Elm və Təhsil İşçiləri Həmkarlar İttifaqı (ETİHİ) Respublika Komitəsinin “Təhsil İstirahət Mərkəzi”ndə ali, orta ixtisas və peşə təhsili müəssisələrinin əməkdaşları üçün təşkil etdiyi “Novruz 2026” düşərgəsi çərçivəsində tanınmış yazıçı və kinodramaturq, əməkdar mədəniyyət işçisi İlqar Fəhmi ilə görüş keçirilib.

Görüş 2026-cı ilin Fəaliyyət Planında nəzərdə tutulmuş “Azərbaycan dilinin qorunması” üzrə tədbirlər çərçivəsində həyata keçirilib.

“Ədəbi dilimiz estetik-psixoloji müstəvidə” mövzusuna həsr olunan görüşdə yazıçı Azərbaycan dilinin saflığının qorunmasında ədəbiyyatın rolundan bəhs edib. O bildirib ki, ölkə başçısının Azərbaycan dilinin qorunması istiqamətində ictimaiyyətə ünvanladığı tövsiyələr mühüm əhəmiyyət kəsb edir və bu prosesdə təhsil işçilərinin müstəsna xidmətləri var. 

Qeyd olunub ki, qloballaşan dünyada dilin xarici təsirlərdən qorunması çətinləşsə də, ədəbiyyat və dilçilik sahəsində nəşrlər bu istiqamətdə mühüm rol oynayır.

Tədbirdə ETİHİ Respublika Komitəsi sədrinin birincu müavini Tehranağa Abdullayev çıxış edərək Azərbaycan dilinin saflığının qorunmasının komitənin fəaliyyət planının əsas istiqamətlərindən biri olduğunu vurğulayıb. Bildirilib ki, bu sahədə mütəmadi tədbirlər həyata keçirilir və məsələ təşkilatın prioritetləri sırasında xüsusi yer tutur.

Tədbir iştirakçıları Azərbaycan dilinin inkişafı və qorunması ilə əlagədar onları maraqlandıran sualları və təklifləri səsləndiriblər. Maraqlı müzakirələrlə keçən tədbir iştirakçılar tərəfindən rəğbətlə qarşılanıb, bu cür müzakirələrin davamlı olması təklif olunub.

ETİHİ-nin “Novruz 2026” düşərgəsinin ikinci mərhələsinə start verilib

Ramazan və Novruz bayramları münasibətilə tətil günlərində təşkil edilən düşərgəyə 800-dən çox ittifaq üzvü cəlb olunub

Azərbaycan Həmkarlar İttifaqları Konfederasiyasının (AHİK) üzv təşkilatı Elm və Təhsil İşçiləri Həmkarlar İttifaqı (ETİHİ) Respublika Komitəsi tərəfindən “Təhsil İstirahət Mərkəzində” təşkil olunan ali, orta ixtisas və peşə təhsili müəssisələrinin əməkdaşları üçün “Novruz 2026” adlı düşərgəsinin ikinci mərhələsinə start verilib.

İki mərhələdə keçirilən düşərgəyə ümumilikdə 800- dən çox təhsil işçisi cəlb olunub.

Düşərgənin ikinci hissəsinin rəsmi açılış mərasimində Elm və Təhsil İşçiləri Həmkarlar İttifaqı Respublika Komitəsi sədrinin birinci müavini Tehranağa Abdullayev çıxış edərək Azərbaycan Həmkarlar İttifaqları Konfedrasiyasının sədri Sahib Məmmədov və ETİHİ Respublika Komitəsinin sədri Araz Paşayevin bayramlar münasibətilə təhsil işçilərinə təbriklərini çatdırıb, düşərgədə iştirak edən ittifaq üzvlərinə xoş istirahət və gələcək fəaliyyətlərində uğurlar arzu edib.

Əməkdar mədəniyyət işçisi şair, yazıçı, kinodramaturq İlqar Fəhmi təhsil ictimaiyyəti ilə tədbirdən böyük məmnunluq hissi keçirdiyini söyləyərək bu düşərgənin təşkil olunmasına görə Elm və Təhsil İşçiləri Həmkarlar İttifaqının rəhbərliyinə, əməyi keçən hər kəsə öz minnətdarlığını bildirib.

Tədbir rəsmi hissədən sonra tonqal ətrafında əyləncəli proqramla davam etdirilib.

Qeyd edək ki, tətil günlərində davam edən düşərgə proqramı çərçivəsində təhsil işçiləri üçün zəngin və çoxşaxəli maraqlı fəaliyyət planı hazırlanıb. Proqram həm milli-mədəni dəyərlərin təbliğini, həm də təhsil işçilərinin peşəkar inkişafını təşviq etməyə yönəlib.

Bayram tədbirləri çərçivəsində Novruzun qədim ənənələrini əks etdirən müxtəlif mədəni və əyləncəli tədbirlər təşkil edilib.

Bununla yanaşı, düşərgə müddətində Azərbaycanın tanınmış elm xadimləri və mütəxəssislərinin iştirakı ilə müxtəlif mövzularda təlim və seminarlar da təşkil olunub.

Novruz 2026” düşərgəsində təhsil işçiləri üçün süni intellekt mövzusunda təlim keçirilib

21–25 mart tarixlərində təşkil olunan “Novruz 2026” düşərgəsi çərçivəsində Elm və Təhsil İşçiləri Həmkarlar İttifaqı Respublika Komitəsinin üzvləri üçün “Təhsildə süni intellekt: yeni perspektivlər” mövzusunda maarifləndirici təlim keçirilib.

Təlim Mədəniyyət və İncəsənət Universitetinin Televiziya və Kino Studiyasının müdiri, süni intellekt üzrə mütəxəssis Azər Həsənov tərəfindən təqdim olunub. Tədbirin əsas məqsədi təhsil işçilərini süni intellekt texnologiyalarının imkanları ilə tanış etmək, onların tədris prosesində praktik tətbiq yollarını göstərmək və müasir rəqəmsal alətlərdən səmərəli istifadə bacarıqlarını inkişaf etdirmək olub.

Məlumat üçün bildirək ki, düşərgə iştirakçılarının çoxsaylı istəyi nəzərə alınaraq “Təhsildə süni intellekt: yeni perspektivlər” mövzusunda maarifləndirici təlim düşərgənin son günündə açıq hava şəraitində növbəti dəfə təşkil olundu.

Təlim zamanı iştirakçılara süni intellektin ümumi prinsipləri, müəllim və tələbələr üçün istifadəsi, dərs prosesinə inteqrasiyası, eləcə də məzmun yaradılması, vizual və video generasiya imkanları barədə praktiki nümunələr təqdim edilib. Bununla yanaşı, süni intellektdən istifadə zamanı etik qaydalar, akademik dürüstlük və plagiat məsələlərinə də xüsusi diqqət yetirilib.

Sessiya interaktiv müzakirələr və sual-cavab formatında davam edib. Təhsil işçilərinin fəal iştirakı ilə keçən görüş iştirakçılar tərəfindən böyük maraqla qarşılanıb və mövzu ətrafında geniş fikir mübadiləsi aparılıb.

Qeyd edək ki, bu cür təlimlər təhsil işçilərinin rəqəmsal bacarıqlarının artırılması və müasir texnologiyaların tədris mühitinə inteqrasiyası baxımından mühüm əhəmiyyət daşıyır.

“Novruz 2026” düşərgəsində “Muğam aləminə səyahət” adlı görüş təşkil olunub

Azərbaycan Həmkarlar İttifaqları Konfederasiyasının üzv təşkilatı Elm və Təhsil İşçiləri Həmkarlar İttifaqı (ETİHİ) Respublika Komitəsinin təşkilatçılığı ilə keçirilən “Novruz 2026” düşərgəsi çərçivəsində “Muğam aləminə səyahət” adlı görüş baş tutub.

Tədbirdə çıxış edən ETİHİ Respublika Komitəsinin sədr müavini Mirzə Cəfərzadə milli-mənəvi dəyərlərimizin qorunması və təhsil işçilərinə, o cümlədən gənc nəslə aşılanması baxımından belə görüşlərin əhəmiyyətini vurğulayıb. Bildirib ki, muğam sənəti xalqımızın zəngin mədəni irsinin ayrılmaz hissəsidir və bu irsin təbliği istiqamətində həyata keçirilən tədbirlər xüsusi önəm daşıyır.

Görüşdə Xalq artisti Teyyub Aslanov muğamın tarixi kökləri, ifaçılıq ənənələri və Azərbaycan musiqi mədəniyyətində tutduğu yer barədə ətraflı məlumat verib, iştirakçıların suallarını cavablandırıb.

Daha sonra Teyyub Aslanov tarda Vüsal Qasımovun, kamançada Anar Yusubun müşayiəti ilə muğam nümunələri və xalq mahnıları səsləndirib.

İfa olunan musiqi nömrələri düşərgə iştirakçıları tərəfindən maraq və alqışlarla qarşılanıb.

ETİHİ ittifaq üzvləri üçün tətil günlərində bayram düşərgəsi təşkil edib

Ramazan və Novruz bayramları münasibətilə tətil günlərində təşkil edilən düşərgəyə 800-ə yaxın ittifaq üzvü cəlb olunub.

Azərbaycan Həmkarlar İttifaqları Konfederasiyasının (AHİK) üzv təşkilatı Elm və Təhsil İşçiləri Həmkarlar İttifaqı (ETİHİ) Respublika Komitəsi tərəfindən “Təhsil İstirahət Mərkəzində ” ali, orta ixtisas və peşə təhsili müəssisələrinin əməkdaşları üçün “Novruz 2026” adlı düşərgə təşkil olunub.

İki mərhələdə tışkil edilən düşərgədə ümumilikdə 800-ə yaxın təhsil işçisi iştirak edəcək.

Düşərgənin 1-ci hissəsinin açılış mərasimində Elm və Təhsil İşçiləri Həmkarlar İttifaqı Respublika Komitəsi sədrinin müavini Mirzə Cəfərzadə çıxış edərək komitə sədri Araz Paşayevin Müqəddəs Ramazan və Novruz bayramları münasibətilə təhsil işçilərinə təbriklərini çatdırıb, düşərgədə iştirak edən respublikanın müxtəlif bölgələrindən olan ali, orta ixtisas və peşə təhsili müəssisələrində çalışan ittifaq üzvlərinə xoş istirahət və gələcək fəaliyyətlərində uğurlar arzu edib.

Tətil günlərində davam edən düşərgə proqramı çərçivəsində təhsil işçiləri üçün zəngin və çoxşaxəli maraqlı fəaliyyət planı hazırlanıb. Proqram həm milli-mədəni dəyərlərin təbliğini, həm də təhsil işçilərinin peşəkar inkişafını təşviq etməyə yönəlib.

Bayram tədbirləri çərçivəsində Novruzun qədim ənənələrini əks etdirən müxtəlif mədəni və əyləncəli tədbirlər təşkil edilib.

Bununla yanaşı, düşərgə müddətində Azərbaycanın tanınmış elm xadimləri və mütəxəssislərinin iştirakı ilə müxtəlif mövzularda təlim və seminarlar da təşkil olunacaq.

ETİHİ Respublika Komitəsinin üzv təşkilatlarında təhsil işçilərinə iftar süfrələri təşkil edilib.

Elm və Təhsil İşçiləri Həmkarlar İttifaqının şəhər və rayon üzv təşkilatları tərəfindən müqəddəs Ramazan ayı münasibətilə iftar süfrələri təşkil olunub.

Bu tədbirlərdə şəhid və qazi ailələri, ittifaq üzvləri, həssas sosial qrupdan olan şəxslər iştirak edib, birlik və həmrəylik ruhu, milli-mənəvi dəyərlərə bağlılıq xüsusi vurğulanıb.

İftar süfrələrində Azərbaycanın bütövlüyü uğurunda canlarından keçmiş şəhidlərin əziz xatirəsi bir dəqiqəlik sükutla yad edilib, xalqımızın əmin amanlığı, sabitliyi üçün dualar oxunub, mərasim tədbir iştirakçılarının xoş təssüratları ilə davam etdirilib.

ETİHİ Lənkəran Şəhər Komitəsi 8 Mart – Beynəlxalq Qadınlar Günü münasibətilə tədbir keçirdi.

Elm və Təhsil İşçiləri Həmkarlar İttifaqı Lənkəran Şəhər Komitəsi və Lənkəran-Astara Regional Təhsil İdarəsi ilə birlikdə 8 Mart – Beynəlxalq Qadınlar Günü münasibətilə tədbir təşkil olunub.

Tədbirdə Lənkəran–Astara Regional Təhsil İdarəsinin müdir müavini Rəhim Rəhimov çıxış edərək xanım əməkdaşları 8 Mart – Beynəlxalq Qadınlar Günü münasibətilə təbrik edib, onların təhsilin inkişafında və gənc nəslin tərbiyəsində mühüm rol oynadıqlarını vurğulayıb.

Sonda əlamətdar günlə əlaqədar sənədli film izlənilib, xanım əməkdaşlara çiçək və hədiyyələr təqdim olunub.

https://www.facebook.com/profile.php?id=61583787998936&__cft__[0]=AZar5whmWjzyyA5YNkFgsG1ct4BO74iAzOqzM_ty3rUM_fcoABBt8IMKYQeju9Rjgq56YTySgwYK5ib3nvWT8GJot8xag-OpLNZOzyC0clrVMoxU5h840tG9u6x3SPJPbVqiZdkfbv8CafXnqtgOKkLKuwGJedKF7n40yxjLkugVuTCZ_55XdfmfFPNnTE5ipgFJjg7P9qLt4Jd8Juqe6tUw&__tn__=-UC%2CP-R

Lənkəranda Xocalı soyqırımı qurbanlarının əziz xatirəsi yad edilib.

Soyqırımının 34-cü ildönümü ilə əlaqədar Lənkəran-Astara Regional Təhsil İdarəsinin kollektivi Lənkəran şəhərində faciə qurbanlarının xatirəsinə ucaldılmış abidəni ziyarət edib, önünə qərənfillər düzüblər.

Sonra anım tədbirində Xocalı faciəsi qurbanlarının, eləcə də torpaqlarımızın azadlığı və ərazi bütövlüyümüz uğrunda canından keçmiş bütün şəhidlərimizin xatirəsi bir dəqiqəlik sükutla yad edilib. Daha sonra Azərbaycan Respublikasının Dövlət Himni səsləndirilib.

Anım tədbirində çıxış edən İdarənin müdir müavini Rəhim Rəhimov Xocalı soyqırımının təkcə Azərbaycan tarixinin deyil, bəşər tarixinin ən dəhşətli faciələrindən biri olduğunu diqqətə çatdırıb. O bildirib ki, soyqırıma hüquqi-siyasi qiymət ümummilli lider Heydər Əliyevin siyasi iradəsi və təşəbbüsü ilə verilib, faciəyə dövlət səviyyəsində obyektiv və prinsipial münasibət formalaşdırılıb. Müzəffər Ali Baş Komandan İlham Əliyevin rəhbərliyi və Rəşadətli Azərbaycan Ordusunun qəhrəmanlığı sayəsində Vətən müharibəsində Tarixi Zəfər qazanılıb, şəhidlərimizin qisası döyüş meydanında alınıb.

Tədbirin sonunda Xocalı soyqırımına həsr olunmuş qısametrajlı film nümayiş etdirilib.

#LənkəranAstaraRTİ #ElmVəTəhsilNazirliyi #MÜTDA #XocalıSoyqırımı #KhojalyGenocide #JusticeForKhojaly #XocalıyaƏdalət

https://www.facebook.com/profile.php?id=61583787998936&__cft__[0]=AZbJ21pLrafzbw67egzBbE3Gd-IohYhbTsyGLy_Muk0vMbsr8oKkrbETHshxJlpRXPzzg7YlR4tZkaV4AYZKFy2gIgCs1CBZOKw9H5V_4bk3Q_061-Krp_XmRmg-ZVCV9YECXebfIb04COeB9poGrS4VijAFPUfVWftgVAycHZ2ykNvOzIb5pooZttifyYJNLl_dGRdQywsFD2iQYXM9hAeO&__tn__=-UC%2CP-R

Lənkəranda 20 Yanvar şəhidlərinin xatirəsi ehtiramla anılıb.

Lənkəran-Astara Regional Təhsil İdarəsinin rəhbərliyi və əməkdaşları Şəhidlər xiyabanını ziyarət ediblər. Onlar 1990-cı il yanvarın 19-dan 20-nə keçən gecə və yanvarın 26-sı “Lənkəran hadisələri”ndə Vətən uğrunda canından keçən şəhidlərimizin əziz xatirəsini dərin hörmət və ehtiramla yad ediblər, abidə önünə qərənfillər düzüblər.

https://www.facebook.com/profile.php?id=61583787998936&__cft__[0]=AZbCjUQn4xAduBUKP9Fk4DsfiCK3J0LX5PZA3LW8pY9Umr_cG91D0n-mEQbcufK8HhrYmxcRsXKehg6lOaRev5YAKTx_krODOsh1-I7zRLovwUYx1_CIViP04hJz4a8qbZCSR0rB_3toCD1XJHHsJCZXP5PSu-UFo6CGdyhJwiOSzAVL2r1h9q7j1_QTV0nSCCC-F0kHJjawA_nuZf2eNjpn&__tn__=-UC%2CP-R

Lənkəranda 20 Yanvar - Ümumxalq Hüzn Günü qeyd edildi.

ənkəran-Astara Regional Təhsil İdarəsinin rəhbərliyi və əməkdaşları Şəhidlər xiyabanını ziyarət ediblər. Onlar 1990-cı il yanvarın 19-dan 20-nə keçən gecə və yanvarın 26-sı “Lənkəran hadisələri”ndə Vətən uğrunda canından keçən şəhidlərimizin əziz xatirəsini dərin hörmət və ehtiramla yad ediblər, abidə önünə qərənfillər düzüblər.

https://www.facebook.com/profile.php?id=61583787998936&__cft__[0]=AZansIOSzAhE0B3Rs_OldRj34d3znVSYjmCGuQH54WYFWq9Awv3BPdkJMOyCfS7K27XGVL5pCypZo3qZjwkX2M2BtH_vG2Dnm1nHadDvyRJ-lHt03XvhJaJM-e6f8Niu2LO73eEoF_oMtqzColJuW6hyafMy619aCG3h-5WBf0sE72Uf1WZHVr63RM3bGEnCUTce-tEb_WQb-y89uEClkLRJ&__tn__=-UC%2CP-R

Lənkəranın ümumtəhsil müəsissələrinin ilk təşkilat sədrləri ilə görüş oldu.

ETİHİ Republika Komitəsinin növbəti görüşü Lənkəran Astara Regional Təhsil müəsissələrinin ilk təşkilat sədrləri ilə oldu.

https://www.facebook.com/profile.php?id=61583787998936&__cft__[0]=AZYhAvngSC2FfKwDqc8lCbB-hQWUDlcmnhD15sguafaRSj1CTY1eNxUpblro0w9F-UyU_yOCIYO83SzH6mz6eJZLCB_-Rj19n5zvQbNtaaxd97Mzd0RZqAgB_g-LaGtDLGRXdymqg5gBX3YKdvfPF6bxCfLy9Sr-nkdCSEoWhmGxzZUleuFMEGXMC7et9DtLEH62OF4EonUHAz2FYcQmVjGUzxsHJZTdqHkmj2lgPka3Kg&__tn__=-UC%2CP-R

Elm və Təhsil İşçiləri Həmkarlar İttifaqı Lənkəran Şəhər Komitəsinin təşkilatçılığı ilə şəhərin bir qrup təhsi işçiləri Azərbaycan Xalqının Ümummilli lideri Heydər Əliyevin abifəsini ziyarət edib

Lənkəranda Elm və Təhsil İşçiləri Həmkarlar İttifaqı Lənkəran Şəhər Komitəsinin təşkilatçılığı ilə şəhərin bir qrup təhsi işçiləri Azərbaycan Xalqının Ümummilli lideri Heydər Əliyevin abifəsini ziyarət edib, abidəsi önünə gül dəstələri qoyub, əziz xatirəsi dərin hörmət və ehtiramla yad olundu.

#AHİK

#ETİHİŞK

#ETİHİLənkəranŞK

#HeydərƏliyevinAnımGünü

https://www.facebook.com/profile.php?id=61583787998936&__cft__[0]=AZYCHEB8MXQFIlN0kXX-UATbl3WJib5uXj33fI3IqDj3I7B6bSzSHug9900nXLKQRSu-2kmo8KgNaEHtC8Y7FkPRHjDXENjEDyxWE9Pd0ifW9V5R8w064FRrjomVKbOGmOnjW2aUUP7hmwXr0WdgBU1cF-9G0ka_U3pYk68MiETyrLQm3NxsaX4C5zdwNWak31eJMQPqo0JMud5jHa90qPmS&__tn__=-UC%2CP-R